हर्बल वा पुदिनाको अनेक फाइदाहरु Herbs Benefits in Nepali

हर्बल वा पुदिनाको अनेक फाइदाहरु Herbs Benefits in Nepali




हर्बल वा पुदिनाको फाइदा बारे विशेष जानकारी

यहाँहरुलाई जब गर्मी गाडिएर खाना खान मन लाग्दैन, गर्मी को कारण टाउको दुखिरहने गर्छ, भाइरल ज्वरो वा एलर्जीको कारण ले हाच्छिउ-हाच्छिउ आइरहन्छ, खाएको अपच हुन्छ, ग्यास्ट्रीक बढ्छ, तब यि समस्याहरुलाई निको पार्ने एक मात्र अति नै महत्वपूर्ण घरेलु औषधि  पुदिना हो । पुदिना को बारे विशेष जानकारी यहाँ ले यो पोस्ट मा पढ्न सक्नु हुनेछ ।


पुदिना प्राय हामी सबैको घर छेउको करेसा बारीमा  रहेको हुन्छ । पुदिनालाई अचार/चटनी वा जुस बनाइने गरिन्छ । कहिले काहीँ सब्जीमा‌ पनि मीठो स्वादको लागी प्रयोग गरिन्छ । कतिपयलाई यसको वास्ना मन नपर्न पनि सक्छ । तर पनि पुदिना विश्वभरी कै एक अति नै लोकप्रिय हर्बल हो । गर्मि को मौसममा पुदिना को अचार, जुस बनाएर खाने गर्दा शरीर मा पुदिना ले सितलता प्रदान गर्दछ । पुदिना एक सितलता प्रदान गर्ने प्रजाती मा पर्दछ । "लु" लाग्नेहरुलाई वा गर्मीमा काम गर्नेहरुले पुदिनाको जुस बनाएर कागती, बिरेनुन (Black Salt) हालेर पिउने गर्दा पेटलाइ पनि सितल र पाचनतन्त्र लाइ पनि ठिक गर्दछ र शरीरमा नँया उर्जा बढ्ने गर्दछ ।
भिडियो : 


पुदिना कसरी खाने र यसको थप फाइदाहरु के-के छन् ?

पुदिनाको पातलाइ पिसेर पेस्ट बनाउनु पर्दछ र दहि वा मोहीमा थोरै नुन को साथ मिसाएर गर्मिको समयमा खाने गर्नुपर्दछ । यसरी खायौं भने शरीरलाई अति नै सन्चो, सितल गराउदछ । गर्मीको कारण ले टाउको दुख्ने, बोमिट हुने,गर्मी गाढिने हुँदा पुदिना खान सुरु गरे यी समस्या बाट छुटकारा प्राप्त हुनेछ ।

पुदिनाले शरीरको हानिकारक ब्याक्टेरियालाई मार्ने कार्य गर्दछ त्यसैगरी घाउ वा चोटपटक लाग्दा पुदिनाको रस निकालेर लगाउनाले तुरुन्तै सन्चो गराँउदछ भने दुखाई लाई पनि अति चाडैं कम गराई आनन्द महसुस बनाउदछ । पुदिना प्राकृतिक एन्टिब्याकटेरियल र प्राकृतिक  फ्रेसनर भएकाले मुखको गनाउने समस्या को लागी र दाँत दुख्ने वा दाँतमा किरा लाग्ने समस्या को लागी पनि अति नै फाइदा गर्दछ । यदि तपाइको स्वास गनाउने समस्या रहेको छ भने तपाइले नियमित पुदिनाको अचार र चिया बनाएर पिउने गर्नुहोस । हिजोआज टुथपेस्ट, ओरल माउथ फ्रेसनर र चकलेट मा पनि मिन्ट फ्लेभर को रुपमा पुदिना को प्रयोग भएको पाइन्छ ।

पुदिनाको अचार र यसको पत्ताको रस सुत्ने बेलामा पिउनाले पेटमा भएका जुका, चुर्ना मार्दछ । त्यस्तै छाला सम्बन्धी एलर्जी हुनेहरुले पुदिनाको रस छालामा लगाउनु पर्दछ । पुदिना, लसुन, अदुवा, नुन मिसाएर यसको मिठो अचार बनाउनुहोस र खानाको साथमा खाने गर्नुहोस । यसरी पुदिनाको सेवन गरे तपाइलाई चाडै भोक लगाउने गर्दछ र अपच हुने समस्या लगभग २४ घण्टा भित्रमा निको हुनेछ । पुदिना भोक नलाग्ने समस्या हुनेहरुको लागी एकदमै राम्रो घरेलु औषधि हो । गर्मिको कारणले खाना नरुच्ने समस्या हुनेहरुले पुदिनाको अचार सँग खाना खाए १/२ दिन भित्रमा आफैं खाना खाइ रहन इच्छा जाग्ने छ ।

पुदिनाको अचार लाई कालो मरिच सङ मिसाएर खाए रूघा-खोकी, एलर्जी र सर्दिलाई धेरै राम्रो फाइदा गर्दछ । यदि हास्छिउ आउने समस्या भए त्यो पनि तुरुन्त बन्द हुनेछ । पुदिनामा पाइने भिटामिन बि, पोटासियम र क्याल्सियमले मानव शरीर मा रोगप्रतिरोधात्मक क्षमता लाइ बढाउछ र शरीरमा स्फुर्ती जगाउछ  । पुदिनामा भिटामिन 'ए' प्रसस्त पाइने गर्छ र जसले आँखाको समस्या को लागी पनि एकदमै राम्रो गर्छ । टाउको दुख्दा पुदिनाको चिया बनाएर खाने गरे तुरुन्तै रिलिफ हुन्छ । 

पुदिनाको अचार खाने गर्दा खराब कोलेस्ट्रोल नस्ट भएर जान्छ र हड्डिलाइ मजबुत बनाइराख्न मद्द्त गर्छ । त्यसैगरी पुदिना को चिया बनाएर खाने गर्दा पनि शरीर लाई सितल दिने र निन्द्रा लगाउने गर्छ । निन्द्रा नलाग्ने समस्या भएकाहरुले पुदिनाको चिया,अचार बनाएर खाने गर्नुपर्दछ ।
यौन चाहाना अति नै बढी भै हिस्टोरिया हुने सम्भावना को डर छ भने पुदिनाको अचार र पुदिना को चिया बनाई नियमित सेवन गर्नुहोस यसले यौन उत्तेजना गराउने हर्मोनलाई घटाइ यौन चाहाना नर्मल अवस्थामा राखिदिन्छ । 

पेटमा ग्यास बढ्नेहरुले वा ग्यास्ट्रीक हुनेहरुले पुदिनालाई पिसेर त्यसमा कागती र बिरेनुन हालेर नियमित खाने गरे ग्यास्ट्रीक दुर गराई पाचन क्षमता बढाउदछ ।

पुदिना एक मात्र शक्तिशाली घरेलु औषधि

ज्वरो आएको बेलामा पुदिनाको अचार सेवन गरे ज्वरो ठिक गर्छ । पुदिना को अचार खान मन नलागे पुदिनाको पानी उमालेर मनतातो बनाई पिउन सक्नु हुनेछ । यसले सरिर लाइ डिटोक्स गरिदिन्छ र मस्तिस्कमा रगत सप्लाई बढाइ मस्तिस्कको कार्य क्षमतालाई तिब्र गतिमा बढाउदछ । स्तनपान गराउने महिलाहरुको स्तनको टुप्पो (निप्पल) दुख्छ भने  पुदिनाको रस निकालेर लगाउने गर्नु पर्दछ । त्यसैगरी कपालमा चाया बढी भएकाहरुले पुदिनाको रस लगाउने गर्दा  चाया हटेर जान्छ ।

यदि तपाइको घरमा धेरै पुदिना छ भने त्यसलाइ निकालेर घाम मा होइन छाँया मा सुकाउ्नुहोस र यसको सुख्खा पाउडर बनाएर बट्टामा बन्द गरेर राख्नुहोस । (पुदिनालाई कदापी खेर जान नदिनुहोला । पुदिना हाम्रो गाउँघर मा प्रसस्त पाइने भएको हुँदा यसको खासै महत्व नराख्ने बानी हुन सक्छ । तर यो विकसित देशहरुमा अतिनै मुल्यवान चिज हो) यसको पाउडर भन्नाले पुरै पाउडर होइन, रफ चियापत्ती जस्तो बनाउनु पर्दछ । यसरी बनाएको मिन्ट पाउडर लाइ तपाइले टमाटरको अचारमा हालेर, चिया बनाएर, काँक्रोको अचारमा, मुलाको अचारमा, दहि वा मोही सबैमा यो पाउडर मिसाएर जहिले र जुनै समयमा खान सक्नुहुन्छ । यसको स्वाद पनि उत्तिकै मिठो बन्दछ ।

तलको सोसियल आइकन मा क्लिक गरि सेयर गरेर सबै समक्ष जानकारी पुर्याउने जिम्मेवारी अब मात्र तपाईंको हातमा रहेको छ । सेयर गरौं, ज्ञान बढाउँ । थप जानकारी मुलक पोस्टहरु पढ्न अन्य टाइटल मा क्लिक गर्नुहोस । स्वस्थ्य रहनुहोस, खुसी रहनुहोस ।





DISCLAIMER: "नेपाली हेल्थ मीडिया डट कम" अनलाईन वेबसाइटमा प्रकाशन गरिएको आर्टिकलहरु केवल सूचना र सामान्य जानकारीको उद्देश्यको लागि मात्र हो. यो कसैको व्यक्तिगत परिस्थिति, पेशेवर चिकित्सा, निदान वा उपचारको विकल्पको लागि होइन. Read More...